paksahafat پاک صحافت
Related Articles
لکی مروت (پاک صحافت) مولانا فضل الرحمن کا کہنا ہے کہ 8 فروری کو ووٹ کی پرچی پر جہاد اور اسلام دونوں جیت سکتے ہیں۔
تفصیلات کے مطابق جمعیت علمائے اسلام (جے یو آئی) کے امیر مولانا فضل الرحمن نے خیبر پختونخوا کے ضلع لکی مروت میں انتخابی جلسے سے خطاب کرتے ہوئے کہا ہے کہ ریاست مدینہ کا نعرہ لگانے والے ریاست مدینہ سے بے خبر تھے۔
مولانا فضل الرحمن کا مزید کہنا تھا کہ سابقہ حکمران 75 سال سے قوم کو مطمئن نہ کرسکے جبکہ ملک میں عوام عدم تحفظ کا شکار ہیں۔ اقتدار میں آنے کے بعد مہنگائی ختم کرکے سب سے پہلے عوام کو تحفظ فراہم کریں گے۔
انہوں نے کہا کہ اس وقت ملک کے معاشی حالات انتہائی ابتر ہیں، جس کا ذمہ دار سابقہ حکمران ہیں۔ اسمبلی میں قران و سنت کے خلاف قانونی سازی ہوتی ہے جبکہ جے یو آئی نے کم نمائندگی کے باوجود اس کا راستہ روکا ہے۔
Short Link
Copied
