paksahafat پاک صحافت
Related Articles
اسلام آباد (پاک صحافت) رانا ثناءاللہ کا کہنا ہے کہ گورنر پنجاب کی جانب سے کسی بھی وقت لیٹر جاری ہوسکتا ہے۔
تفصیلات کے مطابق وفاقی وزیر داخلہ رانا ثناءاللہ نے نجی ٹی وی چینل کے پروگرام میں گفتگو کرتے ہوئے کہا ہے کہ گورنر صاحب کلیئر ہیں کہ وزیراعلی نے اعتماد کا ووٹ نہیں لیا تو وہ عہدے پر برقرار نہیں رہ سکتے۔ یہ انفارمیشن تھی کہ وزیراعلی استعفی دے دیں جو میں سمجھتا ہوں پوری نہیں ہوسکی۔
رانا ثناءاللہ کا مزید کہنا تھا کہ میری انفارمیشن ہے کہ گورنر آج رات اپنا آرڈر جاری کریں گے۔ انہوں نے کہا کہ گورنر ہاؤس پر پی ٹی آئی کے پانچ چھ سو آدمی تھے، پرویز الہٰی کچھ اور کہہ رہے ہیں، بیٹا کچھ اور کہہ رہا ہے، صبح دوپہر شام تین دن سے ان کی پوزیشن مختلف ہوتی رہی ہے۔
Short Link
Copied
