paksahafat پاک صحافت
Related Articles
لاہور (پاک صحافت) پاکستان مسلم لیگ ن کے رہنما عطاء تارڑ کا کہنا ہے کہ گزشتہ 12روز سے پنجاب میں کوئی وزیراعلیٰ موجود نہیں، فوری طور پر وزارت اعلیٰ کے لئے الیکشن کرائے جائیں۔ عطاء تارڑ کا کہنا ہے کہ اسپیکر پنجاب اسمبلی اب خود امیدوار ہیں اور اپنے اختیارات کا استعمال نہیں کرسکتے۔
تفصیلات کے مطابق مسلم لیگ ن کے رہنما عطا تارڑ نے میڈیا نمائندوں سے گفتگو کرتے ہوئے کہا ہے کہ درخواست کی ہے کہ وزیراعلیٰ پنجاب کا الیکشن کرایا جائے، ہم اپنی درخواست لے کر ہائیکورٹ گئے تھے، اسپیکراب خود امیدوار ہیں اور اپنے اختیارات کا استعمال نہیں کرسکتے۔
واضح رہے کہ میڈیا سے گفتگو کرتے ہوئے عطا تارڑ نے مزید کہا کہ کل ان کے وکلا نے کہا ڈپٹی اسپیکر کو کچھ ہو جائے یا غائب ہو جائے، یہ گجرات کا ضلع کونسل کا الیکشن لڑتے ہیں، اس طرح لڑنا چاہتے ہیں، ہم نے کئی بار اپنی تعداد ظاہر کی ہے جو ہفتہ پہلے بھی 200 تھی اور آج بھی اتنی ہی ہے۔
