paksahafat پاک صحافت
Related Articles
اسلام آباد (پاک صحافت) وفاقی وزیر داخلہ رانا ثناء اللہ نے کہا ہے کہ آج صوبے کے سب سے بڑے ڈاکو اور فرح گوگی پنکی راج ختم ہوجائے گا، جس کے لیئے پنجاب کے عوام مبارک باد کے مستحق ہیں۔ خیال رہے کہ انہوں نے یہ بات نجی ٹی وی چینل پر گفتگو کے دوران کہی۔
تفصیلات کےمطابق نجی ٹی وی چینل کے پروگرام میں گفتگو کرتے ہوئے وزیر داخلہ رانا ثناء اللہ نے کہا کہ اب مقابلہ الیکشن میں ہوگا، میری رائے یہ ہے کہ نواز شریف اب پاکستان آکر پارٹی کی قیادت کریں۔ انہوں نے یہ بھی انکشاف کیا کہ پرویز الہٰی نے جمعرات کی صبح نو بجے ہمارے سینئر بندے کو فون کرکے کہا کہ کسی طرح عدم اعتماد کی تحریک لے آؤ، ہم نے انکار کردیا۔
واضح رہے کہ رانا ثناء اللہ نے مزید بتایا کہ عمران خان پنجاب اور خیبرپختون خوا دونوں اسمبلیاں توڑ دیں، پنجاب حکومت کے بارہ تیرہ ارکان نے ہم سے رابطہ کیا تھا، پانچ ارکان اپنے وعدے پر قائم رہے، باقی سات کو پرویز الہٰی نے منا لیا۔
