paksahafat پاک صحافت
Related Articles
اسلام آباد (پاک صحافت) عمران خان کی نااہلی و نالائقی کی وجہ سے آئے روز پارٹی رہنما علحیدگی اختیار کررہے ہیں اور اب تک متعدد رہنما پارٹی چھوڑ چکے ہیں جبکہ اب مرکزی رہنما اسرار شاہ نے بھی پی ٹی آئی چھوڑنے کا اعلان کیا ہے۔
تفصیلات کے مطابق جمہوریت کیلئے قربانیوں کی داستان رقم کرنے والے پی ٹی آئی کے سینئر رہنما اسرار شاہ نے وزیراعظم عمران خان کی پالیسیوں سے اختلاف کرتے ہوئے پی ٹی آئی چھوڑنے کا اعلان کردیا ہے۔ انہوں نے کہا کہ عمران خان نے محسن جمیل بیگ کے تمام احسانات فراموش کرکے گھٹیا حرکت کی ہے۔
ذرائع کے مطابق اسلام آباد نیشنل پریس کلب کے باہر احتجاجی ریلی سے خطاب کرتے ہوئے پی ٹی آئی رہنما اسرار شاہ نے کہا کہ ہم نے تمام عمر جمہوریت اور قانون کی بالادستی کیلئے قربانیاں دیں لیکن وزیراعظم عمران خان صحافت کا گلا دبانے کی مسلسل کوششیں کر رہے ہیں اور انکا طرز سیاست کسی طرح بھی سیاسی اور جمہوری نہیں ہے۔
