paksahafat پاک صحافت
Related Articles
اسلام آباد (پاک صحافت) نفیسہ شاہ کا کہنا ہے کہ پی ٹی آئی کی نااہل و نالائق اور سلیکٹڈ حکومت کو ہر صورت گھر جانا ہوگا، اس کے علاوہ ان کے پاس کوئی دوسرا راستہ موجود نہیں۔
تفصیلات کے مطابق پیپلزپارٹی کی رہنما اور رکن قومی اسمبلی نفیسہ شاہ نے ایک بیان جاری کرتے ہوئے کہا ہے کہ پیپلزپارٹی وزیراعظم کی جانب سے اپوزیشن اور صحافیوں کو دھمکیاں دینے کی مذمت کرتی ہے۔ وزیراعظم کی جلسوں میں اپوزیشن کو دھمکیاں تحریک عدم اعتماد کی کامیابی ہے۔
نفیسہ شاہ کا مزید کہنا ہے کہ ابھی تو پیپلزپارٹی نے تحریک انصاف کی چند وکٹیں گرائی ہیں ابھی مزید وکٹیں گرنی ہیں، صحافیوں پر پیسے لینے کا الزام بوکھلاہٹ اور مضحکہ خیز ہے۔ انہوں نے کہا کہ چیئرمین بلاول بھٹو زرداری کی قیادت میں عوامی مارچ کامیابی سے اپنی منزل کی طرف رواں دوراں ہے۔ سلیکٹڈ حکومت کا خاتمہ کرکے عوام کو نجات دلائیں گے۔
