paksahafat پاک صحافت
Related Articles
کراچی (پاک صحافت) پاکستان پیپلز پارٹی پارلیمنٹیرینز کی مرکزی رہنما و رکن قومی اسمبلی شازیہ مری نے پاکستان مسلم لیگ ن کی نائب صدر مریم نواز کے بیان پر ردعمل کا اظہار کرتے ہوئے کہا ہے کہ پیپلز پارٹی اور عوامی نیشنل پارٹی (اے این پی) کے بغیر پی ڈی ایم کا وجود سوالیہ نشان ہے۔
تفصیلات کے مطابق پی پی رہنما شازیہ عطا مری نے اپنے بیان میں کہا کہ چیئرمین بلاول بھٹو زرداری نے قومی اسمبلی میں عمران خان کو شکست دی جبکہ مریم نواز کی سیاست نے عمران نیازی حکومت کو سہارا دیا ہے۔ انہوں نے مریم نواز پر تنقید کرتے ہوئے مزید کہا کہ مریم نواز کو اصولی اور اخلاقی طور پر پی ڈی ایم کا نام استعمال نہیں کرنا چاہیے۔
واضح رہے کہ شازیہ مری نے وفاقی حکومت کو آڑے ہاتھوں لیتے ہوئے کہا کہ پیپلز پارٹی موجودہ نالائق حکومت کو من مانی کرنے نہیں دیگی جبکہ قومی اسمبلی میں عمران نیازی اکثریت کھو چکے ہیں۔ امید ہے کہ نیازی حکومت کو گرانے کے لیے مسلم لیگ ن کے صدر ہمارا ساتھ دینگے۔
