paksahafat پاک صحافت
Related Articles
کراچی (پاک صحافت) مرتضی وہاب کا کہنا ہے کہ وفاقی حکومت کی جانب سے پیٹرولیم مصنوعات کی قیمتوں میں اضافہ عوام پر بدترین ظلم ہے۔ جسے سندھ حکومت مسترد کرتی ہے۔
تفصیلات کے مطابق ترجمان سندھ حکومت مرتضی وہاب نے وفاقی حکومت کی جانب سے پیٹرولیم مصنوعات کی قیمتوں میں اضافے کو مسترد کردیا ہے۔ ان کا کہنا ہے کہ وفاقی حکومت پٹرولیم مصنوعات کی قیمتوں میں عیارانہ اضافہ کرتی ہے۔ پی ٹی آئی حکومت کو عوامی مسائل سے کوئی سرو کار نہیں ہے۔
مرتضی وہاب کا مزید کہنا ہے کہ اوگرا نے پٹرول کی قیمت میں گیارہ روپے فی لیٹر اضافے کی سمری بھیجی تھی، کپتان اوگرا کی سمری سے کچھ تناسب کم کرکے اضافہ کردیتے ہیں۔ پھر نااہل ترجمان واہ واہ کرتے ہیں کہ کپتان نے اوگرا کی سمری کو مسترد کرکے کم اضافہ کیا۔ انہوں نے کہا کہ خدارا عوام کے غیض و غضب سے بچیں اور قیمتوں میں اضافہ فی الفور واپس لیں۔
