paksahafat پاک صحافت
Related Articles
اسلام آباد (پاک صحافت) عطا تارڑ کا کہنا ہے کہ پنجاب حکومت دوست مزاری کی رہائی پر ٹال مٹول کررہی ہے۔
تفصیلات کے مطابق پاکستان مسلم لیگ ن کے رہنما عطا تارڑ نے دوست مزاری کی رہائی کے معاملے پر وزیراعلی پنجاب چوہدری پرویز الہی پر تنقید کرتے ہوئے کہا ہے کہ دوست مزاری کی رہائی تاحال ممکن نہیں ہوسکی ہے۔ پنجاب حکومت دوست مزاری کے دادا بلخ شیر مزاری کے جنازے میں شرکت کے لیے پے رول آرڈر کے بعد ٹال مٹول کررہی ہے۔
عطا تارڑ کا مزید کہنا ہے کہ پنجاب حکومت اصرار کررہی ہے، دوست مزاری کو بیڑیاں اور ہتھکڑیاں لگا کر قیدیوں والی وین میں لے جایا جائے۔ دوسری جانب خاندانی ذرائع کے مطابق سابق نگران وزیراعظم بلخ شیر مزاری کی نماز جنازہ کل ادا کی جائے گی۔ ان کی نماز جنازہ آبائی شہر روجھان میں نماز ظہر کے بعد ادا کی جائے گی۔
Short Link
Copied
