paksahafat پاک صحافت
Related Articles
لاہور (پاک صحافت) پرویز رشید نے ڈسکہ میں مسلم لیگ ن کی امیدوار نوشین افتخار کی کامیابی پر ڈسکہ کے عوام کو جمہوری تحریک کے ہیرو قرار دے دیا ہے۔ ان کا کہنا ہے کہ اب ہر جگہ ن لیگ ہی کامیاب ہوگی۔
تفصیلات کے مطابق این اے 75 ڈسکہ میں مسلم لیگ ن کی کامیابی کے بعد ن لیگ کے رہنما پرویز رشید نے ایک بیان جاری کرتے ہوئے کہا ہے کہ حکومت کے خلاف فیصلہ دے کر ڈسکہ کے عوام نے یہ ثابت کردیا کہ وہ جمہوری تحریک کے ہیرو ہیں اور انہوں نے اپنے ووٹ کی حفاظت کرکے حق حاکمیت حاصل کیا ہے۔
مسلم لیگ ن کے رہنما پرویز رشید کا مزید کہنا ہے کہ آج جیسے ڈسکہ اسلام آباد پہنچ رہا ہے اسی طرح ایک دن سارا پاکستان پہنچے گا۔ پھر راج کرے گی خلق خدا، ڈسکہ والو زندہ باد۔ یاد رہے کہ ڈسکہ میں قومی اسمبلی کی سیٹ کے لئے گزشتہ روز ہونے والے ضمنی انتخاب میں مسلم لیگ ن کی امیدوار نوشین افتخار بھاری اکثریت سے کامیاب ہوگئی ہیں۔
