paksahafat پاک صحافت
Related Articles
اسلام آباد (پاک صحافت) وفاقی وزیر اطلاعات عطا تارڑ کا کہنا ہے کہ پاکستان نے فلسطین کے لیے ہمیشہ آواز اٹھائی ہے۔
تفصیلات کے مطابق وفاقی وزیرِ اطلاعات و نشریات عطا محمد تارڑ نے کہا ہے کہ پاکستان کو سفارتی محاذ پر کامیابیاں مل رہی ہٰں۔ ناروے اور آئر لینڈ نے فلسطین کو آزاد ریاست کی حیثیت سے تسلیم کیا ہے۔ پاکستان نے فلسطین کے لیے ہمیشہ آواز اتھائی ہے۔ ہم چاہتے ہیں غزہ پر اسرائیلی حملے بند ہوں۔
عطا تارڑ کا مزید کہنا تھا کہ ایس آئی ایف سی میں تجارت اور سرمایہ کاری کے اہم فیصلے ہوئے ہیں۔ ملک میں سرمایہ کاری اور کاروبار کا بہتر ماحول پیدا کرنے کے لیے اسپیشل انویسٹمنٹ فیسیلیٹیشن کونسل میں 7 ڈیسک قائم کیے گئے ہیں۔ وزیراعظم شہباز شریف تجارت اور سرمایہ کاری کو فروغ دینا چاہتے ہیں۔
انہوں نے کہا کہ زرِمبادلہ کے ذخائر بھی مستحکم ہو رہے ہیں۔ آئی ایم ایف نے مثبت پریس ریلیز جاری کی ہے۔ تجارتی خسارہ گھٹا ہے اور برآمدات میں اضافہ ہوا ہے۔
