paksahafat پاک صحافت
Related Articles
اسلام آباد (پاک صحافت) ایک پاکستانی شہری نے نام ظاہر کئے بغیر ترکیہ اور شام کے زلزلہ زدگان کیلئے 30 ملین ڈالر کا عطیہ دیا ہے۔
تفصیلات کے مطابق وزیراعظم شہباز شریف نے گمنام پاکستانی کی جانب سے ترکیہ اور شام کے زلزلہ زدگان کیلئے 30 ملین ڈالر کا عطیہ دینے پر بھرپور تعریف کی ہے۔ وزیراعظم شہباز شریف نے اپنے ٹویٹ میں کہا کہ ایک گمنام پاکستانی امریکہ میں ترکیہ کے سفارت خانے میں گیا اور شام و ترکیہ کے زلزلہ زدگان کیلئے 30 ملین ڈالر کا عطیہ دے دیا۔
وزیراعظم شہباز شریف نے گمنام پاکستانی کی تعریف کرتے ہوئے کہا ہے کہ ایسے شاندار کام انسانیت کو بظاہر ناقابل تسخیر مشکلات پر فتح حاصل کرنے کے قابل بناتے ہیں، پاکستانی شہری کی یہ مثال دیکھ کر دل بہت متاثر ہوا ہے۔
Short Link
Copied
