paksahafat پاک صحافت
Related Articles
کراچی (پاک صحافت) منظور وسان کا کہنا ہے کہ وفاقی حکومت اپنی ناکام زرعی پالیسی کے ذریعے کسانوں اور کاشتکاروں کا معاشی قتل عام کررہی ہے، جسے اب بند ہوجانا چاہئے۔
تفصیلات کے مطابق مشیر زراعت سندھ منظور وسان نے کہا ہے کہ عمران حکومت ٹیکسز کا بوجھ ڈال کر ملکی زراعت کو تباہ کرنا چاہتی ہے۔ زرعی اجناس پر 17 فیصد سیلز ٹیکس لگانے سے ملک کا زرعی شعبہ متاثر ہوگا اس لیے ہم وفاقی تجویز کو مسترد کرتے ہیں۔
مشیر زراعت سندھ منظور وسان کا مزید کہنا ہے کہ ڈی اے پی اور یوریا کھاد پر 17 فیصد سیلز ٹیکس عائد کرنے کی وفاقی فیصلے کو قبول نہیں کریں گے، زرعی اجناس اور ٹریکٹر خریداری پر 17 فیصد ٹیکس عائد ہونے سے ملک کے کسانوں کے جیب پر 104 ارب کا بوجھ پڑے گا۔ انہوں نے کہا کہ زرعی اجناس پر ٹیکسز لگنے سے یوریا کھاد اور ڈی اے پی مزید مہنگی ہوجائے گی جس سے کسان تباہ ہوجائیں گے۔ عمران حکومت ملک کے کسانوں کو ریلیف دینے کی بجائے ٹیکسز کا بوجھ ڈال کر ملکی زراعت کو تباہ کرنا چاہتی ہے۔
