paksahafat پاک صحافت
Related Articles
اسلام آباد (پاک صحافت) وزیرِ اعظم شہباز شریف نے اسلام آباد کے علاقے بھارہ کہو بائی پاس فلائی اوور کی تعمیر کے دوران حادثے کا نوٹس لے لیا۔ ذرائع کے مطابق وزیرِ اعظم نے جمعرات کو پیش آنے والے حادثے کی انکوائری کے لیے کمیٹی بھی تشکیل دے دی ہے۔
تفصیلات کے مطابق سابق سیکریٹری داخلہ شاہد خان کی سربراہی میں انکوائری کمیٹی حادثے کا ہر پہلو سے جائزہ لے گی۔ ذرائع کے مطابق کمیٹی کو ہنگامی بنیادوں پر انکوائری رپورٹ مرتب کر کے وزیرِ اعظم کو پیش کرنے کی ہدایت کی گئی ہے۔
واضح رہے کہ اس حوالے سے وزیرِ اعظم شہباز شریف نے کہا ہے کہ بھارہ کہو منصوبے میں کسی قسم کی غفلت قابلِ قبول نہیں۔ وزیرِ اعظم کا کہنا ہے کہ واقعے کے ذمہ داران کا تعین کر کے فوری رپورٹ پیش کی جائے۔
Short Link
Copied
