paksahafat پاک صحافت
Related Articles
اسلام آباد (پاک صحافت) وزیراعظم شہباز شریف کا ٹانک اور ڈیرہ اسماعیل خان کا دورہ موسم کی خرابی کے باعث ملتوی ہوگیا ہے، آج انہوں نے ان علاقوں کا خصوصی دورہ کرنا تھا۔
تفصیلات کے مطابق گزشتہ روز وزیراعظم شہباز شریف بلوچستان روانہ ہوئے تھے جہاں انہوں نے سیلاب سے ہونے والے نقصانات کا جائزہ لیا تھا۔ انہوں نے جھل مگسی کا دورہ بھی کیا تھا، متاثرین کے ریسکیو، ان کی ریلیف اور بحالی کے لیے کیے جانے والے انتظامات کا جائزہ بھی لیا تھا۔
ذرائع کے مطابق وزیراعظم شہباز شریف نے آج ڈیرہ اسماعیل خان اور ٹانک کا دورہ کرکے وہاں شدید بارشوں اور سیلاب سے ہونے والے نقصان کا قریب سے جائزہ لینا تھا۔ لیکن موسم کی خرابی کے باعث وزیراعظم شہباز شریف کا دورہ ملتوی کیا گیا ہے۔
Short Link
Copied
