paksahafat پاک صحافت
Related Articles
اسلام آباد (پاک صحافت) رانا ثناءاللہ نے کہا ہے کہ قومی احتساب بیورو نیب اس وقت ایک غیرقانونی ادارہ بن چکا ہے اور اس پر کسی کو یقین نہیں رہا۔ نیب حکومت کے کہنے پر سیاسی مخالفین کے خلاف انتقامی کارروائیاں کرتا ہے۔
تفصیلات کے مطابق مسلم لیگ ن کے رہنما رانا ثناءاللہ نے ذرائع ابلاغ کے نمائندوں سے بات چیت کرتے ہوئے کہا ہے کہ نیب نے حکومت کے کہنے پہ مریم نواز کو طلب کیا ہے جبکہ پیشی والے دن پورے پنجاب سے مسلم لیگ ن کے رہنما اور کارکن مریم نواز کے ہمراہ نیب دفتر پہنچیں گے۔ انہوں نے کہا کہ طلبی کے دوران مریم نواز کو گرفتار کرنے کی کوشش کی گئی تو بھرپور مزاحمت کریں گے اور انہیں گرفتار کرنا غیرقانونی عمل ہوگا۔
رانا ثناءاللہ کا مزید کہنا تھا کہ نیب نے مریم نواز کو طلب کیا ہے تو اب حوصلہ بھی کرے۔ چیئرمین نیب شہزاد اکبر کے کہنے پر کام کرتے ہیں جبکہ حکومت اس کی مدت میں توسیع نہیں کرے گی۔ انہوں نے کہا کہ پی ڈی ایم کی تمام جماعتیں متحد ہیں جو غلط فہمیاں پیدا ہوگئی تھیں انہیں مولانا فضل الرحمن نے دور کردی ہیں۔
