paksahafat پاک صحافت
Related Articles
اسلام آباد (پاک صحافت) اسلام آباد ہائی کورٹ نے العزیزیہ ریفرنس میں نواز شریف کی سزا کے خلاف اپیل منظور کرتے ہوئے انہیں اس کیس میں بری کر دیا۔ خیال رہے کہ اس سے قبل سماعت کے دوران عدالت نے العزیزیہ ریفرنس احتساب عدالت کو بھیجنے کی نیب کی استدعا ایک بار پھر مسترد کر دی تھی۔
تفصیلات کے مطابق اسلام آباد ہائی کورٹ میں سابق وزیرِ اعظم نواز شریف کی العزیزیہ ریفرنس میں سزا کے خلاف اپیل پر چیف جسٹس عامر فاروق اور جسٹس گل حسن اورنگزیب نے سماعت کی۔ سماعت کے آغاز میں وکیل امجد پرویز نے ٹرائل کورٹ کے فیصلے کے مختلف حصے پڑھ کر سنائے۔
واضح رہے کہ چیف جسٹس اسلام آباد ہائی کورٹ عامر فاروق نے العزیزیہ اسٹیل ملز ریفرنس میں نواز شریف کی سزا کے خلاف اپیل پر فیصلہ محفوظ کر لیا۔ جس کے کچھ دیر بعد ہی فیصلہ سناتے ہوئے نواز شریف کو العزیزیہ ریفرنس میں بری کر دیا۔
Short Link
Copied
