paksahafat پاک صحافت
Related Articles
اسلام آباد (پاک صحافت) خواجہ آصف کا کہنا ہے کہ نوازشریف چوتھی دفعہ بھی ہمارے وزیراعظم کے امیدوار ہوں گے۔
تفصیلات کے مطابق پاکستان مسلم لیگ ن کے سینیئر رہنما اور سابق وزیر دفاع خواجہ آصف نے نجی ٹی وی چینل کے پروگرام میں گفتگو کرتے ہوئے کہا ہے کہ نوازشریف ہمیں الیکشن لڑوانے کیلئے آئے ہیں اور خود بھی الیکشن لڑیں گے۔ گرینڈ ڈائیلاگ الیکشن کے بعد ہونا چاہیے، نوازشریف نے سیاسی جماعتوں کو بھی بات کرنے کی دعوت دی ہے۔
خواجہ آصف کا مزید کہنا تھا کہ نوازشریف کی تقریر کے تناظر میں ہم سب کو رائٹ سائیڈ پر ہونا چاہیے، اگر سب ملک کے رائٹ سائیڈ پر ہوں تو ساری چیزیں طے ہوسکتی ہیں، الیکشن کے بعد گومگو کی کیفیت ختم ہوگی، الیکشن مسائل کا حل ہے۔
انہوں نے کہا کہ دو نومبر کو سپریم کورٹ نے الیکشن کمیشن کو بلایا ہے، امید ہے کہ اسی دن وہ انتخابات سے متعلق کوئی تاریخ دے دے گا۔
