paksahafat پاک صحافت
Related Articles
لاہور (پاک صحافت) اسپیکر قومی اسمبلی راجہ پرویز اشرف کا کہنا ہے کہ ملک میں سیاسی استحکام سے ہی معاشی استحکام آسکتا ہے۔
تفصیلات کے مطابق اسپیکر قومی اسمبلی راجہ پرویز اشرف نے پریس کانفرنس سے خطاب کرتے ہوئے کہا ہے کہ ہمیں اس وقت ایک دوسرے سے دست و گریبان ہونے کے بجائے ملک کا سوچنا ہوگا۔ معیشت دباو کا شکار ہے، جلد حالات بہتر ہوں گے، آئین و قانون پر عملدرآمد سے ہی ترقی ممکن ہے۔
اسپیکر قومی اسمبلی راجہ پرویز اشرف کا مزید کہنا تھا کہ کوئی جماعت ایسی نہیں جس پر کیسز نہ بنے ہوں، پاکستان کبھی ڈیفالٹ نہیں کرے گا، گالم گلوچ سے معاملات خراب ہوسکتے ہیں، ٹھیک نہیں۔ انہوں نے کہا کہ غیریقینی کی کیفیت میں ملک ترقی نہیں کرسکتا، الزامات کی سیاست کو ختم ہونا چاہئے، پاکستان کسی ایک شخص، گروہ یا جماعت کا ملک نہیں، ایک دوسرے سے دست و گریبان ہونے کے بجائے ملک کا سوچیں۔
