paksahafat پاک صحافت
Related Articles
اسلام آباد (پاک صحافت) طویل مدت کی بندش کے بعد آج سے ملک بھر کے تمام تعلیمی ادارے کھل گئے ہیں۔ جس سے طلبا و طالبات اور ان کے والدین میں بھی خوشی کی لہر دوڑ گئی ہے۔
تفصیلات کے مطابق ملک بھر میں کورونا کیسز میں واضح کمی کے بعد تمام تعلیمی اداروں کو کھول دیا گیا ہے۔ تعلیمی اداروں میں داخلے کے لئے طلبا و طالبات، اساتذہ اور اسٹاف پر بھی کورونا ایس او پیز کی پابندی لازمی قرار دی گئی ہے۔ جس پر سختی سے عمل کیا جارہا ہے۔
طلبہ کے لئے ماسک، ہینڈ سینی ٹائزر کی پابندی اور سوشل ڈسٹنس پر بھی عملدرآمد ہوگا، مختلف تعلیمی اداروں میں مین گیٹ پر داخلے کے وقت ہی طلبا کا بخار چیک کیا جارہا ہے، طلبا کے بغل گیر ہونے، مصافحہ، معانقہ اور ہاتھ ملانے کا منع کیا گیا ہے۔ این سی او سی کی جانب سے تدریسی اور غیر تدریسی عملے کے لئے کورونا ویکسینیشن لازمی قرار دیا گیا ہے۔
Short Link
Copied
