paksahafat پاک صحافت
Related Articles
لاہور (پاک صحافت) گورنر پنجاب بلیغ الرحمان نے چائلڈ لیبر کے خلاف عالمی دن کے موقع پر اپنے پیغام میں کہا ہے کہ معاشرے سے چائلڈ لیبر کے خاتمے کے لیے سب کو اپنا کردار ادا کرنے کی ضرورت ہے۔ انہوں نے کہا کہ تعلیم اور دیگر بنیادی سہولیات تک رسائی ہر بچے کا آئینی حق ہے۔
تفصیلات کے مطابق آج منائے جانے والے چائلڈ لیبر کے خلاف عالمی دن کے موقع پر اپنے پیغام میں بلیغ الرحمان نے کہا کہ پاکستان مسلم لیگ (ن) کے گزشتہ دور حکومت میں صوبے سے چائلڈ لیبر کے خاتمے کے لیے موثر قانون سازی کی گئی۔ بلیغ الرحمان نے مزید کہا کہ حکومت معاشرے کے پسماندہ طبقے کو ریلیف فراہم کرنے کے لیے خصوصی اقدامات کر رہی ہے۔
واضح رہے کہ ہر سال 12جون کو پاکستان سمیت دنیا بھر میں چائلڈ لیبر کے خاتمے کا عالمی دن منایا جاتا ہے، جس کا مقصد بچوں سے مزدوری لینے کے رجحان کا خاتمہ کرکے انھیں مشقت کی اذیتوں سے نجات دلا کر اسکول کا راستہ دکھانا اور معاشرے کا مفید شہری بنانے کے لیے شعور اجاگر کرنا ہے۔
