paksahafat پاک صحافت
Related Articles
اسلام آباد (پاک صحافت) نگراں وزیر خارجہ کا کہنا ہے کہ مزدوروں پر حملہ پاک ایران تعلقات خراب کرنے کی کوشش ہے۔
تفصیلات کے مطابق نگراں وزیر خارجہ جلیل عباس جیلانی نے دہشت گرد واقعے کے بعد اپنے ردعمل میں کہا ہے کہ ہمارے مشترکہ دشمن نے پاکستان اور ایران کے درمیان تعلقات خراب کرنے کی کوشش کی پاداش میں یہ گھناؤنا خونی کھیل کھیلا ہے۔
جلیل عباس جیلانی کا مزید کہنا تھا کہ ایک ہولناک اور قابل نفرت واقعہ ہے اور ہم اس کی بلاشبہ مذمت کرتے ہیں، ایرانی حکام کے ساتھ اس معاملے پر رابطے میں ہیں اور اس گھناؤنے جرم میں ملوث افراد کا محاسبہ کرنے پر زور دیتے ہیں۔
انہوں نے کہا کہ ہم اس سنگین معاملے سے پوری طرح آگاہ ہیں اور تمام ضروری اقدامات کررہے ہیں، سفارت خانہ لاشوں کو جلد از جلد وطن واپس لانے کی پوری کوشش کرے گا، اس طرح کے بزدلانہ حملے پاکستان کو دہشت گردی سے لڑنے کے عزم سے نہیں روک سکتے۔
