paksahafat پاک صحافت
Related Articles
قلات (پاک صحافت) مولانا عبدالغفور حیدری کا کہنا ہے کہ عمران خان کے آرمی چیف سے ملنے پر کوئی اعتراض نہیں ہے۔
تفصیلات کے مطابق جمعیت علماء اسلام (جے یو آئی ف) کے سیکریٹری جنرل مولانا عبدالغفور حیدری نے ذرائع ابلاغ کے نمائندوں سے گفتگو کرتے ہوئے کہا ہے کہ عمران خان نے فوج اور سیاست دانوں کے بارے میں جو زبان اختیار کی وہ ناقابل برداشت ہے۔
مولانا عبدالغفور حیدری کا مزید کہنا تھا کہ عمران خان آرمی چیف سمیت کسی سے بھی مل سکتے ہیں، ہمیں کوئی اعتراض نہیں ہے۔ انہوں نے کہا کہ جے یو آئی (ف) نے 2018 کے انتخابات کو تسلیم ہی نہیں کیا۔
سیکریٹری جنرل جے یو آئی (ف) کا کہنا تھا کہ الیکشن کی تاریخ کا اعلان کرنا الیکشن کمیشن کا کام ہے۔ انہوں نے یہ بھی کہا کہ انتخابات کا اعلان الیکشن کمیشن کا آئینی اختیار ہے۔
Short Link
Copied
