paksahafat پاک صحافت
Related Articles
اسلام آباد (پاک صحافت) وزیراعظم شہباز شریف کا کہنا ہے کہ قرآن پاک کی بے حرمتی کرنے والے خبیث کو نشان عبرت بنائیں گے۔
تفصیلات کے مطابق وزیراعظم شہباز شریف نے پارلیمنٹ کے مشترکہ اجلاس سے خطاب کرتے ہوئے کہا ہے کہ ایک خبیث نے پولیس سیکیورٹی میں قرآن پاک کی بے حرمتی کی، سویڈش حکومت اس حوالے سے اپنی پوزیشن واضح کرے کہ کیسے اس قبیح حرکت کی اجازت دی گئی۔
وزیراعظم شہباز شریف کا مزید کہنا تھا کہ اربوں مسلمانوں کے دل اس واقعہ پر دکھی ہیں، دنیا میں مسلمان اور عیسائیوں کو لڑانے کی سازش کی جارہی ہے، بس بہت ہوگیا، اب بات برداشت سے باہر ہے، سویڈش حکومت بتائے ایسا کیوں ہونے دیا؟۔
انہوں نے کہا کہ ہم آزادی اظہار کی آڑ میں کسی کو مذہب کے خلاف بات کرنے اور زہر پھیلانے نہیں دیں گے۔ یہ پہلی بار نہیں ہوا اب ہماری برداشت سے باہر ہوچکا ہے۔ وزیراعظم نے نیوزی لینڈ کی سابق وزیراعظم جسینڈا آرڈرن اور عیسائیوں کے روحانی پیشوا پوپ فرانسس کا سویڈن واقعہ کی مذمت کرنے پر شکریہ ادا کیا۔
