paksahafat پاک صحافت
Related Articles
اسلام آباد (پاک صحافت) پاکستان ڈیموکریٹک موومنٹ کے قائدین کی ایک اہم ملاقات ہوئی ہے جس میں پی ڈی ایم کی دوبارہ بحالی کے لئے کوششیں مزید تیز کرنے پر اتفاق کیا گیا ہے۔
تفصیلات کے مطابق سربراہ پی ڈی ایم مولانا فضل الرحمن اور مسلم لیگ ن کے صدر و قومی اسمبلی میں اپوزیشن لیڈر شہباز شریف کے درمیان ایک اہم ملاقات ہوئی ہے۔ ملاقات میں شہباز شریف نے مولانا فضل الرحمان سے گزشتہ رات کے عشائیے میں ہونے والی گفتگو پر تبادلہ خیال کیا ہے۔
شہباز شریف اور مولانا فضل الرحمان کی ملاقات میں پاکستان پیپلزپارٹی اور اے این پی کی پی ڈی ایم میں واپسی پر بھی تفصیلی گفتگو ہوئی ہے۔ اس ملاقات میں مریم اورنگزیب، عطا تارڑ، عبدالغفور حیدری، مولانا اسعد محمود اور اسلم ظہوری بھی شامل تھے۔ یاد رہے کہ اس وقت پیپلزپارٹی اور اے این پی کو پی ڈی ایم میں شامل کرنے کے متعلق اختلاف پایا جاتا ہے جس کی وجہ سے اپوزیشن اتحاد غیرفعال ہے۔
