paksahafat پاک صحافت
Related Articles
اسلام آباد (پاک صحافت) شازیہ مری کا کہنا ہے کہ اس وقت عمران نیازی کا طرز عمل جرائم پیشہ افراد جیسا ہے۔
تفصیلات کے مطابق عمران خان کی تقریر پر ردعمل میں وفاقی وزیر اور ترجمان پیپلز پارٹی شازیہ مری نے کہا ہے کہ عمران خان پر پتھراؤ ہوتا ہے لیکن جلتی اور ٹوٹتی پولیس کی گاڑیاں ہیں۔ لگتا ہے عمران نیازی نے جھوٹ بولنے کی ٹریننگ ہٹلر کے گوئبلز سے لی ہے۔
شازیہ مری کا مزید کہنا ہے کہ عدالت کے حکم پر عمران نیازی کو فول پروف سیکیورٹی دی گئی لیکن وہ موٹر وے پر اترنے کے بعد ڈنڈا بردار لشکر اکٹھا کرتا رہا۔ جرائم پیشہ عناصر ہی ایسے طرز عمل سے عدالتوں پر اثر انداز ہوتے ہیں۔
انہوں نے کہا کہ عمران نیازی قانون توڑ کر کہتا ہے، میں نے کبھی قانون نہیں توڑا، چیئرمین پی ٹی آئی ملک کے عدالتی نظام کو مفلوج بنا رہے ہیں۔ عدالتی نظام مجرموں اور غنڈوں کے رحم و کرم پر نہیں چھوڑا جاسکتا ہے۔
