paksahafat پاک صحافت
Related Articles
کراچی (پاک صحافت) شرجیل میمن کا کہنا ہے کہ عمران خان کی جانب سے آئین و قانون کی بالادستی کی بات کرنا مضحکہ خیز ہے۔
تفصیلات کے مطابق وزیر اطلاعات سندھ شرجیل میمن نے ایک بیان جاری کرتے ہوئے کہا ہے کہ تحریک انصاف روز نئے چٹکلے چھوڑتی ہے، تحریک انصاف اپنی نام نہاد مقبولیت کے بوجھ تلے دب چکی ہے، اداروں کو بلیک میل کرنے کے حربے ناکام ہوگئے ہیں، عمران خان من پسند فیصلوں کے لیے الیکشن کمیشن کو دباو میں لانا چاہتے ہیں۔
شرجیل میمن کا مزید کہنا ہے کہ انتخابات کسی جماعت کی خواہش پر نہیں بلکہ آئین و قانون کے مطابق ہوں گے۔ انہوں نے کہا کہ تحریک انصاف نے سیاست اور آئین کو بھی کھیل سمجھ لیا، عمران خان عدالتوں میں پیش ہونے کے لیے تیار نہیں ہیں۔
Short Link
Copied
