paksahafat پاک صحافت
Related Articles
اسلام آباد (پاک صحافت) احسن اقبال کا کہنا ہے کہ عمران خان نے پاکستان دشمن لابی سے ممنوعہ فنڈنگ حاصل کی ہے، الیکشن کمیشن کو جلد از جلد اس کیس کا فیصلہ سنانا چاہئے۔
تفصیلات کے مطابق وزیر منصوبہ بندی احسن اقبال نے پریس کانفرنس سے خطاب کرتے ہوئے کہا ہے کہ عمران خان نے ڈیم کے نام پر بیرون ملک مقیم پاکستانیوں کے ساتھ فراڈ کیا، عمران خان نے پیسے خفیہ اکاؤنٹس میں رکھ کر استعمال کیے، عمران خان نے انقلاب لانے کے نام پر اربوں روپے ہتھیا لیے۔
احسن اقبال کا مزید کہنا تھا کہ عمران خان نے سیاسی ٹمپرنگ کی، عمران خان معیشت کو کمزور کرنے کی کوشش کر رہے ہیں، ہم عمران خان کا بوجھ اٹھانے جا رہے ہیں کیونکہ یہ لوگ ہمارے ہیں۔ انہوں نے کہا کہ ہم نے پاکستان کی معیشت کو بچانے کی کوشش کی جس میں کامیاب ہوئے، مہنگائی کے جن کو عمران خان نے بوتل سے نکالا تھا۔
Short Link
Copied
