paksahafat پاک صحافت
Related Articles
اسلام آباد (پاک صحافت) شاہد خاقان عباسی کا کہنا ہے کہ اگر عمران خان بہتان تراشی کی سزا بھگتنے کو تیار ہوں تو ہم تحقیقات کرانے کو تیار ہیں، ریاست مدینہ میں الزام تراشی کی سزا عمران خان کو معلوم کرنی چاہئے۔
تفصیلات کے مطابق سابق وزیراعظم اور مسلم لیگ ن کے رہنما شاہد خاقان عباسی نے نجی ٹی وی چینل کے پروگرام میں گفتگو کرتے ہوئے کہا ہے کہ روسی تیل کی بات وہ کرتا ہے جسے کسی بات کی سمجھ نہیں ،ملک میں تیل ریفائنریاں درآمد کرتی ہیں، انہیں ایک پیسے کا بھی فائدہ نظر آتا تو وہ خود وہاں سے جا کر تیل لے لیتے۔
شاہد خاقان عباسی کا مزید کہنا تھا کہ ہم نے روس سے پوچھا کہ آپ نے کوئی معاہدہ کیا تھا تو ان کا کہنا تھا کہ ہم سے کسی نے بات ہی نہیں کی۔ سابق حکومت کے وزیر نے روسی تیل کی خریداری کے لیے خط لکھا تھا، اس کا کوئی جواب نہیں آیا۔
Short Link
Copied
