paksahafat پاک صحافت
Related Articles
کراچی (پاک صحافت) مرتضی وہاب کا کہنا ہے کہ سندھ کے شہری اگر حکومتی پابندیوں سے بچنا چاہتے ہیں تو سب کو کورونا ایس او پیز پر سختی سے عمل کرنا ہوگا۔
تفصیلات کے مطابق ترجمان سندھ حکومت مرتضی وہاب نے پریس کانفرنس سے خطاب کرتے ہوئے کہا ہے کہ کراچی میں کورونا کی صورت حال پھر سے بدتر ہوتی جارہی ہے۔ اگر اسپتالوں میں جگہ نہ رہی تو حالات اور زیادہ خراب ہوسکتے ہیں۔ اس لئے تمام شہریوں کو احتیاطی تدابیر پر عمل کرنا ہوگا۔
مرتضی وہاب کا مزید کہنا تھا کہ ویکسین وافر مقدار میں دستیاب ہے، شہری وبا سے بچاؤ کے لیے ویکسین لگوائیں۔ ماسک تھوڑی پر نہ رکھیں، ناک اور منہ کو کور کریں۔ انہوں نے کہا کہ اس وقت کورونا وائرس سب سے اہم مسئلہ ہے، 24 گھنٹوں میں مثبت کیسز کی تعداد 23 فیصد سے زائد ہے۔
Short Link
Copied
