paksahafat پاک صحافت
Related Articles
شمالی وزیرستان (پاک صحافت) شمالی وزیرستان کے علاقے شیوا ون اور شیوا ٹو سے قدرتی گیس کے ذخائر دریافت ہوئے ہیں۔
تفصیلات کے مطابق شمالی وزیرستان کے علاقے شیوا میں ماڑی پیٹرولیم کمپنی کی جانب سے دو کنووں کی کھدائی کے بعد قدرتی گیس دریافت کی گئی ہے جو کہ ملکی گیس کی مجموعی طلب کا کل 5 فیصد ہے۔ یہاں پروسیسنگ پلانٹ بھی موجود ہے جو گیس کو صاف کرکے ایس این جی پی ایل کی پائپ لائن کو منتقل کرتا ہے۔
ذرائع کے مطابق گیس کے نیشنل گرڈ میں داخل ہونے کے لیے گیس پائپ لائن کا کام 73 فیصد تک مکمل کرلیا گیا ہے۔ چیف آف اسٹاف ماڑی پیٹرولیم اسد رضا کہتے ہیں کہ گیس پروسیسنگ کے لیے پلانٹ بھی مقامی لگایا گیا ہے جس سے غیر ملکی زر مبادلہ کی بچت ہوئی ہے۔
پلانٹ لگنے سے 900 سے زائد مقامی ہنر مند افراد کو سائٹ پر روزگار بھی میسر آیا ہے۔ شیوا گیس کو قومی نیٹ ورک میں شامل کرنے سے ایل این جی درآمدات پر انحصار کم ہونے کے ساتھ سالانہ تقریباً 265 ملین امریکی ڈالر زرمبادلہ کی بچت ہوگی۔
