paksahafat پاک صحافت
Related Articles
راولپنڈی (پاک صحافت) سیکیورٹی فورسز نے شمالی وزیرستان میں خفیہ اطلاع پر دہشت گردوں کے خلاف کارروائی کی جس کے نتیجے میں پانچ دہشت گرد ہلاک جبکہ ایک جوان شہید ہوگیا۔
پاک فوج کے شعبہ تعلقات عامہ آئی ایس پی آر کے مطابق خیبرپختونخوا کے ضلع شمالی وزیرستان میں دہشتگردوں کے خلاف خفیہ اطلاع پر کارروائی کی گئی۔ سکیورٹی فورسز کی کارروائی میں 5 دہشتگرد مارے گئے جن میں حبیب نواز عرف شکیل، وحید اللہ، عبدالرحمان، محمد اللہ شامل ہیں جبکہ ایک دہشتگرد کی شناخت کی جارہی ہے۔
آئی ایس پی آر کے مطابق ہلاک دہشت گردوں کے قبضے سے اسلحہ اور گولہ بارود برآمد ہوا جس میں سب مشین گنز، ہینڈ گرنیڈز اور بڑی تعداد میں گولیاں شامل ہیں۔ ہلاک دہشتگرد سیکیورٹی فورسز پر حملوں، ٹارگٹ کلنگ اور اغوا برائے تاوان میں ملوث تھے۔
Short Link
Copied
