paksahafat پاک صحافت
Related Articles
کراچی (پاک صحافت) وزیر تعلیم سندھ کا کہنا ہے کہ سندھ میں تمام تعلیمی ادارے تاحکم ثانی بند رہیں گے۔ فی الحال صوبے میں تعلیمی ادارے کھولنے کا کوئی فیصلہ نہیں ہوا ہے۔
تفصیلات کے مطابق وزیر تعلیم سندھ سعید غنی نے ذرائع ابلاغ کے نمائندوں سے گفتگو کرتے ہوئے کہا ہے کہ صوبے میں اسکول کل بروز پیر سے نہیں کھل رہے بلکہ تا اطلاع ثانی تمام تعلیمی ادارے بند ہی رہیں گے۔ محکمہ تعلیم کی اسٹیرنگ کمیٹی کا اجلاس چند روز میں ہو گا جس میں کورونا وائرس کی صورتِ حال کا جائزہ لیا جائے گا۔
وزیر تعلیم سندھ سعید غنی کا مزید کہنا ہے کہ اجلاس میں تعلیمی ادارے کھولنے یا نہ کھولنے کا فیصلہ کیا جائے گا۔ انہوں نے کہا کہ محکمہ تعلیم کی اسٹیرنگ کمیٹی کے اجلاس میں امتحانات سے متعلق شیڈول کا بھی فیصلہ کیا جائے گا۔
Short Link
Copied
