سکھر (پاک صحافت) سندھ بار کونسل نے کینالز منصوبے کے خلاف اگلے لائحہ عمل کا اعلان کردیا، 25 اپریل کے بعد ریلوے کا پہیہ جام کیا جائے گا۔
تفصیلات کے مطابق میڈیا سے گفتگو کرتے ہوئے وائس چیئرمین سندھ بار کونسل شفقت رحیم راجپوت نے کہا ہے کہ متنازعہ کینالز کا منصوبہ واپس نہ لیا گیا تو احتجاج کا دائرہ وسیع کردیں گے۔ 25 اپریل کے بعد قومی شاہراہ کے ساتھ ساتھ ریلوے ٹریکس پر بھی دھرنے دیئے جائیں گے،عوام سے اپیل کی جاتی ہے، 25 اپریل کے بعد ٹرینوں میں سفر کرنے سے گریز کریں نہیں تو انہیں پریشانیوں کا سامنا کرنا پڑے گا۔
ذرائع کے مطابق شفقت رحیم راجپوت کا مزید کہنا تھا کہ آج سے ببرلو بائے پاس کے ساتھ ساتھ کموشہید، ڈیرہ موڑ اور شکار پور میں بھی دھرنے دیئے جا چکے ہیں، دریائے سندھ ہمارے صوبہ کی شہہ رگ ہے اس پر سمجھوتہ کسی صورت قبول نہیں، کینالز بنا کر سندھ کے حق پر ڈاکہ ڈالنے نہیں دیں گے۔
Short Link
Copied