paksahafat پاک صحافت
Related Articles
اسلام آباد (پاک صحافت) مفتاح اسماعیل کا کہنا ہے کہ حکومت ملکی معیشت کو جامع اور پائیدار ترقی کی راہ پر واپس لانے کے لئے اصلاحی اقدامات پر کام کررہی ہے جلد عملی کام شروع ہوگا۔
تفصیلات کے مطابق وفاقی وزیر خزانہ مفتاح اسماعیل سے ایشیائی ترقیاتی بینک کے ایگزیکٹو ڈائریکٹر ڈاکٹر وان فارسان بن وان سلیمان اور نور احمد کی ملاقات ہوئی ہے۔ ملاقات میں اے ڈی بی حکام نے مالیاتی انتظام، مسابقت بڑھانے اور نجی شعبے کی ترقی کے لئے تعاون جاری رکھنے کا اعلان کیا۔
ذرائع کے مطابق اے ڈی بی حکام نے اصلاحاتی پروگراموں اور ترقیاتی ایجنڈے کیلئے تعاون کے عزم کا اعادہ کیا اور اے ڈی بی حکام نے انفراسٹرکچر، سماجی اور مالیاتی شعبوں میں اصلاحات کیلئے تعاون کا عزم دہرایا۔ وفاقی وزیر خزانہ مفتاح اسماعیل نے موجودہ حکومت کو ورثے میں ملنے والے معاشی چیلنجوں پر روشنی ڈالی جبکہ ان اقتصادی چیلنجوں پر قابو پانے میں مکمل اعتماد کا اظہار بھی کیا۔
