paksahafat پاک صحافت
Related Articles
کراچی (پاک صحافت) سعید غنی نے وزیر خزانہ حفیظ شیخ کو عہدے سے ہٹانے کو پی ڈی ایم کی کامیابی قرار دیا ہے۔ ان کا کہنا ہے کہ حفیظ شیخ کو مہنگائی کی وجہ سے نہیں بلکہ اپوزیشن اتحاد کی وجہ سے ہٹایا گیا ہے۔
تفصیلات کے مطابق پریس کانفرنس سے خطاب کرتے ہوئے پیپلزپارٹی کے رہنما اور صوبائی وزیر تعلیم سندھ سعید غنی نے کہا ہے کہ پی ٹی آئی جب سے حکومت میں آئی ہے تب سے ملک بھر میں مہنگائی مسلسل بڑھ رہی ہے لیکن حکومت کی جانب سے اب تک مہنگائی کے روک تھام کے لئے کوئی اقدام نہیں کیا گیا ہے۔
سعید غنی کا مزید کہنا ہے کہ حفیظ شیخ کو ہٹانا پاکستان ڈیموکریٹک موومنٹ کی کامیابی ہے۔ کیونکہ انہیں مہنگائی کی وجہ سے نہیں بلکہ پی ڈی ایم کے خوف سے ہٹایا گیا ہے۔ انہوں نے کہا کہ چھ ماہ پہلے حفیظ شیخ کو ایڈوائزر سے وزیر بنایا گیا تھا۔
Short Link
Copied
