paksahafat پاک صحافت
Related Articles
کراچی (پاک صحافت) پاکستان مسلم لیگ ن کے سینئر نائب صدر شاہد خاقان عباسی نے کراچی کے حلقہ این اے 249 کے ضمنی الیکشن سے متعلق ایک بیان میں سندھ حکومت کو شدید تنقید کا نشانہ بنایا، شاہد خاقان عباسی کا کہنا ہے کہ جو چوتھے نمبر پر بھی نہ تھے وہ کیسے جیت گئے، ان کا کہنا ہے کہ دال میں کچھ کالا ضرور ہے۔
تفصیلات کے مطابق کراچی میں پریس کانفرنس کرتے ہوئے مسلم لیگ ن کے سینیئر نائب صدر شاہد خاقان عباسی کا کہنا ہےکہ دال میں کچھ کالا نظر آرہا ہے ، این اے 249 میں جو چوتھے نمبر پر بھی نہیں تھے وہ کیسے جیت گئے ؟ ایسے الیکشن سلیکٹڈ جیتا کرتے ہیں ، الیکٹڈ نہیں ۔ شاہد خاقان عباسی کا کہنا تھا کہ بہت سے ایسے فارم ہیں جن پر ٹوٹل ہی نہیں کیا گیا ، اتنی بےضابطگیوں کے بعد دوبارہ گنتی کے سوا کوئی چارہ نہیں۔
واضح رہے کہ شاہد خاقان عباسی نے اپنے بیان میں مزید کہا کہ این اے 249 میں 100 سے زائد فارم 45 ایسے ہیں جن پر دستخط نہیں،34 پولنگ اسیٹشنز کے فارم 45 کا واٹس ایپ رزلٹ ریٹرننگ افسران کے پاس نہیں جب کہ 30 فارم 45 ن لیگ کو نہیں ملے۔ ہمیں دال میں کالا نظر آرہا ہے، ہمیں معلوم ہوگیا ہےکہ پیپلز پارٹی کے عزائم کیا ہیں، ہمیں فخر ہے ہم نے سلیکٹڈ کا لفظ ملک کو دیا ،ہم نظام کی تبدیلی چاہتے ہیں،اس الیکشن میں صوبائی حکومت براہ راست ملوث رہی ہے۔
