paksahafat پاک صحافت
Related Articles
لاہور(پاک صحافت) پاکستا ن مسلم لیگ ن کے سینئررہنما و رکن قومی اسمبلی جاوید لطیف کے ضمانتی مچلکے سیشن کورٹ لاہور میں جمع کرا دیئے گئے ہیں، جس کے بعد عدالتی عملہ روبکار لے کر جیل روانہ ہو چکا ہے۔ یاد رہے کہ گزشتہ روز سیشن کورٹ لاہور نے لیگی رہنما جاوید لطیف کی ضمانت منظور کر تھی۔
تفصیلات کے مطابق رہنما مسلم لیگ ن جاوید لطیف کی رہائی کے مچلکے سیشن عدالت میں جمع کرادیے گئے جبکہ عدالتی عملہ روبکار لے کر جیل روانہ ہوگیا۔ اس حوالے سے جاوید لطیف کے وکیل کا بتانا تھا کہ سیشن کورٹ نے لیگی رہنما کے روبکار جاری کر دیئے ہیں ، وہ آج جیل سے رہا ہوجائیں گے۔
واضح رہے کہ اس سے قبل ایڈیشنل سیشن جج نے جاوید لطیف کے رہائی کے مچلکوں کی تصدیق کی جس کے بعد روبکار جاری ہوا۔ ذرائع کے مطابق جاوید لطیف کی رہائی کے لیے دو ضامنوں نے دو دو لاکھ کے مچلکے جمع کرائے ہیں۔ یاد رہے کہ رہے کہ جاوید لطیف کی ضمانت ایڈیشنل سیشن جج نے گزشتہ روز منظور کی تھی۔
