paksahafat پاک صحافت
Related Articles
لندن (پاک صحافت) نواز شریف کا کہنا ہے کہ ثاقب نثار اور کھوسہ صاحب نے جسے صادق اور امین کا سرٹیفکیٹ دیا تھا وہ سب سے بڑا چور ثابت ہوا، اتنی بڑی چوری ملکی تاریخ میں کسی نے نہیں کی۔
تفصیلات کے مطابق سابق وزیراعظم اور مسلم لیگ ن کے قائد میاں نواز شریف نے کہا ہے کہ وقت لگا لیکن سچ سامنے آگیا۔ انہوں نے مجھے تو بیٹے سے 10 ہزار درہم لینے پر زندگی بھر کے لئے نااہل قرار دے دیا، پارٹی صدارت سے ہٹایا اور جیل میں ڈال دیا تھا۔ اتنی بڑی چوری اور ڈاکہ تو اس سے پہلے پاکستان کی تاریخ میں نہیں ڈالا گیا تھا۔
ن لیگ کے قائد نواز شریف کا مزید کہنا ہے کہ اتنی بڑی چوری کرنے والوں کو اب اللہ قوم کے سامنے بے نقاب کر رہا ہے، عمران خان کی چوری کی سزا مہنگائی کی صورت میں پوری قوم بھگت رہی ہے۔ یاد رہے کہ الیکشن کمیشن کی کمیٹی نے انکشاف کیا ہے کہ عمران خان نے غیرقانونی طریقے سے فارن فنڈنگ حاصل کی جسے قومی اداروں سے چھپاتے رہے۔
