paksahafat پاک صحافت
Related Articles
اسلام آباد (پاک صحافت) شیری رحمان کا کہنا ہے کہ پی ٹی آئی کی نااہل و نالائق اور تباہی سرکار نے اب تک عوام سے کیا گیا ایک بھی وعدہ پورا نہیں کیا ہے، ہر بار یوٹرن کا سہارا لیا گیا۔
تفصیلات کے مطابق پیپلزپارٹی کی نائب صدر شیری رحمان نے سماجی رابطے کی ویب سائٹ پر ایک بیان جاری کرتے ہوئے کہا ہے کہ گزشتہ ہفتے وزیراعظم نے عوامی مارچ کے دباؤ میں پیٹرول اور بجلی کی قیمتوں میں اضافہ نہ کرنے کا اعلان کیا تھا۔ اب حکومت نے ماہانہ فیول ایڈجسٹمنٹ کی مد میں بجلی کی قیمت 5.94 روپے فی یونٹ مہنگی کرنے کا اعلان کیا ہے۔
شیری رحمان کا مزید کہنا ہے کہ حکومت نے وزیراعظم کے فیصلے سے یوٹرن لے لیا ہے، اب پیٹرول کی قیمتوں پر بھی یوٹرن لیا جائے گا۔ پی ٹی آئی حکومت کے تمام ریلیف پیکج جھوٹ پر مبنی ہیں، اس حکومت میں ریلیف صرف امیروں کو ملا ہے، عوام کو مایوسی کے علاوہ کچھ نہیں ملا ہے۔
