paksahafat پاک صحافت
Related Articles
اسلام آباد (پاک صحافت) پاکستان مسلم لیگ ن کے صدر اور قومی اسمبلی میں قائد حزب اختلاف میاں شہباز شریف نے ملک میں یوریا کھاد کی قلت پر پاکستان تحریک انصاف (پی ٹی آئی) حکومت کو کڑی تنقید کا نشانہ بناتے ہوئے کہا کہ آٹا، چینی اور گیس کی طرح یوریا بھی غائب ہے، یوریا کسانوں کو سونے کے بھاؤ بھی نہیں مل رہا۔
تفصیلات کے مطابق پاکستان مسلم لیگ ن کے صدر شہباز شریف نے کسانوں سے اظہار ہمدردی کرتے ہوئےحکمران جماعت کو آڑے ہاتھوں لے لیا، شہباز شریف کا کہنا تھا کہ کسانوں کی حالت قابل رحم ہے، حکومت غائب ہے، بعد میں کمیشن بنانے اور عذر گھڑنے سے بہتر ہوگا کہ کسانوں کی ہنگامی مدد کی جائے۔
واضح رہے کہ شہباز شریف نے جاری بیان میں مزیدکہا کہ کسان کی مدد نہ ہوئی تو زرعی اجناس کی پیداوار کی قلت ہونے کی صورت پورا ملک خمیازہ بھگتے گا۔ انہوں نے یہ بھی کہا کہ آٹا، چینی اور گیس کی طرح یوریا بھی غائب ہے، یوریا کسانوں کو سونے کے بھاؤ بھی نہیں مل رہا۔
