paksahafat پاک صحافت
Related Articles
اسلام آباد (پاک صحافت) وزیر مملکت عائشہ غوث پاشا کا کہنا ہے کہ ہمارے آئی ایم ایف سے مذاکرات اختتام کی جانب بڑھ رہے ہیں۔
تفصیلات کے مطابق وزیر مملکت برائے خزانہ عائشہ غوث پاشا نے ذرائع ابلاغ کے نمائندوں سے گفتگو کرتے ہوئے کہا ہے کہ حکومت کی پوری کوشش ہے کہ عام آدمی پر بوجھ نہ پڑے۔ بجلی ٹیرف یا ٹیکس کا زیادہ بوجھ صاحب ثروت لوگوں پر ڈالا جائے گا، نئے اقدامات کا عام آدمی پر کم بوجھ ڈالا جائے گا۔
عائشہ غوث پاشا کا مزید کہنا تھا کہ وزیراعظم شہباز شریف سے فیصلوں کی منظوری لے لی گئی ہے، آئی ایم ایف کے ساتھ معاہدہ پاکستان کی ضرورت ہے۔ انہوں نے کہا کہ آئی ایم ایف مشن وزیر خزانہ سے ملاقات کرے گا، عالمی مالیاتی ادارے کو بعض چیزیں مزید کلیئر کی جائیں گی۔
Short Link
Copied
