paksahafat پاک صحافت
Related Articles
اسلام آباد (پاک صحافت) الیکشن کمیشن نے ووٹ کے اندراج،کوائف کی درستگی ، اخراج اور منتقلی ووٹ کی تاریخ میں توسیع کردی۔ الیکشن کمیشن کی جانب سے جاری اعلامیے کے مطابق اب ووٹ کے اندراج ، اخراج و درستگی کی آخری تاریخ 20 جولائی 2023 ہے۔
تٖفصیلات کے مطابق ووٹر اپنے ووٹ سے متعلق معلومات حاصل کرنے کے لیے اپنا شناختی کارڈ نمبر 8300 پر ایس ایم ایس کرکے اپنے ووٹ سے متعلق تفصیلات حاصل کریں۔ الیکشن کمیشن کے مطابق ووٹ کا اندراج شناختی کارڈ پر موجود مستقل یا عارضی پتے میں سے کسی ایک پر کروایا جاسکتا ہے۔
تفصیلات کے مطابق اگر ووٹر اپنے ووٹ کا اندراج ، منتقلی ، اخراج یا کوائف میں درستگی چاہتے ہیں تو الیکشن کمیشن کی ویب سائٹ سے فارم ڈاون لوڈ کرکے پُر کریں اور اپنے متعلقہ ضلعی الیکشن کمشنر کے دفتر میں جمع کروائیں۔الیکشن کمیشن کا کہنا ہےکہ اندراج و منتقلی ووٹ کے لیے فارم نمبر 21استعمال کریں، اعتراض اور اخراج ووٹ کے لیے فارم نمبر 22 استعمال کریں،کوائف کی درستگی کے لیے فارم نمبر 23 استعمال کریں۔
