paksahafat پاک صحافت
Related Articles
اسلام آباد (پاک صحافت) الیکشن کمیشن کا کہنا ہے کہ حکومت کی جانب سے قومی اسمبلی سے منظور کردہ الیکشن ایکٹ کی کئی شقیں آئین سے متصادم ہیں۔
تفصیلات کے مطابق الیکشن کمیشن نے وفاقی حکومت کو خط لکھ کر انتخابی اصلاحات کے متعلق اپنے تحفظات سے آگاہ کردیا ہے۔ خط میں کہا گیا ہے کہ آبادی کی بجائے ووٹرز پر حلقہ بندیوں کی تجویز آئین سے متصادم ہے، سینیٹ الیکشن کی سیکرٹ کی بجائے اوپن ووٹنگ آئین اور سپریم کورٹ کی رائے کے خلاف ہے۔
الیکشن کمیشن کی جانب سے لکھے گئے خط میں مزید کہا گیا ہے کہ ووٹرز لسٹوں کا اختیار آئین کے مطابق الیکشن کمیشن کا ہے، مجوزہ الیکشن ایکٹ کی 13 شقیں آئین سے متصادم ہیں۔ اس خط کے ذریعے الیکشن کمیشن نے حکومت کو الیکشن ترمیمی بل پر اعتراضات تحریری طور پر بتا دیئے ہیں۔
Short Link
Copied
