paksahafat پاک صحافت
Related Articles
اسلام آباد (پاک صحافت) نیب نے سابق خاتون اول بشری بی بی کی قریبی دوست فرح خان کے خلاف کرپشن کے متعلق انکوائری کی منظوری دے دی ہے جس کے بعد جلد ہی تحقیقات کا آغاز کیا جائے گا۔
تفصیلات کے مطابق آمدن سے زائد اثاثوں، منی لانڈرنگ اور مختلف اکاؤنٹ رکھنے پر فرح خان کے خلاف انکوائری کی منظوری دی گئی ہے۔ فرح خان کے اثاثوں میں سال 2018 کے بعد سے نمایاں اضافہ ہوا، فرح خان کے اکاؤنٹس میں تین سال کے دوران 84 کروڑ 70 لاکھ روپے آئے ہیں۔
ذرائع کے مطابق رقوم فرح خان کے ذاتی اکاؤنٹس میں موصول ہوئیں اور جلد ہی واپس لے لی گئیں۔ نیب اعلامیہ کے مطابق فرح خان نے 9 مرتبہ امریکہ اور 6 مرتبہ متحدہ عرب امارات کا سفر کیا، ڈی جی نیب لاہور کو معاملے کی قانون کے مطابق انکوائری کی ہدایت کر دی گئی ہے۔
Short Link
Copied
