paksahafat پاک صحافت
Related Articles
لندن (پاک صحافت) نگراں وزیراعظم کا کہنا ہے کہ میرے دورہ لندن کو سیاسی رنگ نہ دیا جائے۔
تفصیلات کے مطابق نگران وزیراعظم انوار الحق کاکڑ نے میڈیا سے گفتگو کرتے ہوئے کہا ہے کہ ان کے دورہ لندن کو سیاسی رنگ دینے کی کوشش نہ کی جائے، ان کے کسی سیاسی جماعت یا رہنما سے رابطے میں کوئی صداقت نہیں، الیکشن میں چیئرمین پی ٹی آئی حصہ لیں گے یا نہیں قانون دیکھے گا، یہ سیاسی یا انتظامی نہیں قانونی معاملہ ہے، الیکشن کمیشن اپنی آئینی ذمہ داری پوری کرے گا۔
نگراں وزیراعظم انوارالحق کاکڑ کا مزید کہنا تھا کہ نوازشریف کی واپسی پر قانون کے مطابق عمل ہوگا، نگران حکومت کی وابسگتی کسی سیاسی جماعت یا گروہ کے ساتھ نہیں، یہ تاثر نہیں دینا چاہتے کہ ہم کسی سیاسی جماعت کے ساتھ ہیں، جو بھی کریں گے پاکستان کے قانون کے مطابق ہوگا، جائزہ لیں گے نواز شریف کو عدالتی اجازت کی قانونی حیثیت کیا ہے۔
