اسلامی نظام ہی تمام ملکی مسائل کا حل ہے:سراج الحق

کرپشن کی بیماری نے اداروں اور معیشت کو تباہ کیا

کوئٹہ(پاک صحافت) امیرجماعت اسلامی پاکستان سینیٹرسراج الحق نے کہاکہ ملک میں اسلام حکومت نہیں ہے اسلامی حکومت میں ہی عوام کے مسائل حل ہوسکتے ہیں، اسلامی نظام کا نٖفاذ ہی ملکی مسائل کا حل ہے۔

جماعت اسلامی اسلامی نظام کو بروئے کار لانے میں جدجہد کر رہی ہے۔ بدقسمتی سے سابقہ و موجودہ حکومت کے پالیسیاں ایک ہیں ۔سودی نظام ہو یا امریکی ، ورلڈبینک اور آئی ایم ایف کی غلامی ہو ، کشمیر پر ہندوستان کے ساتھ ساز باز ،فحاشی و عریانی پھیلانا ہویا علماء ، مدارس ، مساجد کی توہین ہو، ملکی خزانہ لوٹنے سے لے کر کرپشن تک سب پالیسیاں ایک ہیں اگرکسی چیز پر اختلاف ہے تو وہ اقتدار اور ذاتی مفادات ہیں۔

ان خیالات کا اظہارانہوں نے کوئٹہ میں ذمہ داران سے گفتگواور مدرسہ دارالرشادچمن پھاٹک مسجد میں خطبہ جمعہ کے موقع پر خطاب کرتے ہوئے کہی انہوں نے کہاکہ امریکی تابعداری میں اپوزیشن اور حکو مت دونوں ایک دوسرے سے بازی لے جانے میں لگے ہیں۔

مزید پڑھیں: اپوزیشن مچھ معاملے پر سیاست کررہی ہے:حکومت

ان کا کہنا تھا کہ اسلامی ملک میں مساجد و مدارس کے لیے خزانے میں ایک روپیہ نہیں رکھاگیا جب کہ اسلام آباد میں مندر کی تعمیر کے لیے ایک سو ملین روپے رکھے گئے ہیں تاکہ دنیا کو بتاسکیں کہ اسلام آبادمیں ایک مثالی مندر کی تعمیر کی جارہی ہے ۔پاکستان کو اگر انگریزوں کے غلاموں اور بڑی ڈگریاں لینے والوں کے بجائے علماء کرام کے حوالے کرتے تو ملک دولخت نہ ہوتا اور آج پاکستان ایک مضبوط اور مستحکم ملک ہوتا ۔

انہوں نے کہا کہ جماعت اسلامی اس ملک میں اسلامی نظام کے قیام کے لیے جدوجہد کر رہی ہے ۔ پاکستان ایک نظریاتی ریاست ہے ۔ ہماری سیاست کی بنیاد اسلام اور نظریہ پاکستان پر ہے ۔پاکستان کی نظریاتی شناخت کو قائم رکھنا ہی ہماری اصل کامیابی ہے ۔قانون افراد کیلئے نہیں بلکہ ملک و قوم کیلئے ہوناچا ہئے۔

انہوں ننے مزید کہا حکومت بڑے جاگیر داروں اور سرمایہ داروں سے ٹیکس وصولی کا منظم نظام نہیں بنا سکی، غریبوں کو ٹیکس کی چکی میں پیستے اور ان کا خون نچوڑتے رہنامعاشی پلاننگ نہیں ۔انہوں نے کہا کہ لوٹ کھسوٹ کے نظام کو ختم کئے بغیر ملک آگے نہیں بڑھ سکتا۔انہوں نے کہا کہ نظام مصطفیؐ کا نفاذ ہی تمام ملکی مسائل کا حل ہے۔

جواب چھوڑ دیں

براہ مہربانی اپنی رائے درج کریں!
اپنا نام یہاں درج کریں