paksahafat پاک صحافت
Related Articles
پاک صحافت ایران کے صدر کا کہنا ہے کہ بالآخر فتح حق کی ہو گی۔
سید ابراہیم رئیسی نے فلسطین میں حالیہ تبدیلیوں کی طرف اشارہ کرتے ہوئے کہا ہے کہ حق کے محاذ یعنی فلسطین کی فتح ہوگی۔
جمعہ کے روز مغربی سرحدی شہر بنی میں لوگوں سے خطاب کرتے ہوئے ایران کے صدر نے کہا کہ غزہ پر صہیونی جارحیت میں اب تک چار ہزار فلسطینی بچے شہید ہو چکے ہیں۔ انہوں نے کہا کہ فلسطین میں اس وقت جو کچھ ہو رہا ہے وہ اسی طرح ہے جو آٹھ سالہ مسلط کردہ جنگ کے دوران ایران میں ہوا تھا۔ ابراہیم رئیسی نے بتایا کہ جس امریکہ نے ایران کے شہر بنی میں سانحہ رونما کیا تھا وہی امریکہ اس وقت فلسطین میں جرائم میں مصروف ہے۔
صدر رئیسی کے مطابق وہی سازش جس نے کل ایران کے کردستان اور خوزستان صوبوں میں سانحہ کو جنم دیا اس وقت غزہ میں بے گناہ فلسطینیوں کا قتل عام کر رہا ہے۔ انہوں نے کہا کہ اگر کل صدام، امریکہ اور اس کے اتحادی مغربی ممالک کے خلاف عدالتی کارروائی کی گئی ہوتی تو آج ہم اسرائیل اور امریکہ کے ہاتھوں غزہ میں بے گناہوں کا قتل عام نہ دیکھ رہے ہوتے۔
قابل ذکر ہے کہ غزہ میں بے گناہ فلسطینیوں کے خلاف ناجائز صیہونی حکومت کی کارروائی کا آج 28 واں دن ہے۔ اس عرصے کے دوران 9000 سے زائد فلسطینی شہید ہو چکے ہیں جن میں بڑی تعداد بچوں کی ہے۔
