paksahafat پاک صحافت
Related Articles
تھران پاک صحافت یورپی یونین کے ذریعے امریکہ کے ساتھ ایران کے مذاکرات کے درمیان ایران کی پارلیمنٹ نے بند دروازوں کے پیچھے ایک انتہائی اہم اجلاس منعقد کیا جس کے بارے میں پارلیمنٹ کے قومی سلامتی کمیشن کے ترجمان ابوالفضل عموئی نے کہا کہ اگر دوسرا فریق ہماری تجویز کو قبول کرتا ہے تو اس کا مطلب یہ ہو گا کہ ہم ایک اہم سمجھوتے کے قریب ہیں۔
ابوالفضل عموئی نے بتایا کہ اجلاس میں سپریم نیشنل سیکیورٹی کونسل کے سیکریٹری علی شمخانی، وزیر خارجہ حسین امیر عبداللہیان اور چیف جوہری مذاکرات کار علی بکری اور ایٹمی توانائی تنظیم کے سربراہ محمد اسلامی اور ترجمان بہروز کمال وندی نے شرکت کی۔
انہوں نے کہا کہ ہم ابھی تک مکمل معاہدے پر نہیں پہنچے لیکن اسی راستے پر آگے بڑھ رہے ہیں۔
ترجمان نے کہا کہ بات چیت میں قومی مفادات اور ایران کے اقتصادی مسائل پر خصوصی توجہ دی گئی۔ انہوں نے کہا کہ یہ ضروری ہے کہ معاہدے کے نتیجے میں ایران کا تیل بغیر کسی رکاوٹ کے فروخت کیا جائے اور اس سے حاصل ہونے والی آمدنی بھی بغیر کسی رکاوٹ کے ایران تک پہنچ جائے۔ ابوالفضل عموئی نے کہا کہ اگر یہ شرائط پوری ہوئیں تو ہم 2015 کے جوہری معاہدے پر مکمل عمل درآمد کریں گے۔
انہوں نے کہا کہ ہمارا سب سے اہم مطالبہ یہ ہے کہ پابندیاں ہٹائی جائیں۔ ترجمان نے کہا کہ اس میٹنگ میں قانون سازوں نے ضمانتوں کے بارے میں بات کی، جس پر مہمانوں نے حالات کے بارے میں تفصیل سے بتایا۔
