paksahafat پاک صحافت
Related Articles
تھران {پاک صحافت} اسلامی جمہوریہ ایران کا کہنا ہے کہ وہ یوکرین میں امن و استحکام کے قیام میں مدد کے لیے سفارتی کردار ادا کرنے کے لیے تیار ہے۔
صدر ڈاکٹر سید ابراہیم رئیسی کا کہنا ہے کہ ایران ہر اس کوشش کی حمایت کرتا ہے جس کے نتیجے میں یوکرین کے بحران کا پرامن حل نکلے۔
انہوں نے کہا کہ تہران یوکرین میں امن و استحکام کے قیام کے لیے کوئی بھی کردار ادا کرنے کے لیے تیار ہے۔
صدر مملکت نے اتوار کے روز کابینہ کے اجلاس میں کہا کہ اسلامی جمہوریہ ایران اپنی خارجہ پالیسی کی بنیاد پر بالادستی کا مخالف ہے اور دنیا کی ہر قوم کی طرف سے اپنے مستقبل کے تعین کی حمایت کرتا ہے۔
اسلامی جمہوریہ ایران کے صدر نے کہا کہ تہران، نیٹو کی دہائیوں کی توسیع پسندی سے درپیش سیکورٹی چیلنج کو تسلیم کرتے ہوئے، دنیا کے تمام ممالک کی سالمیت اور خودمختاری کے تحفظ پر تاکید کرتا ہے۔
ایرانی صدر نے کہا کہ تہران کا مؤقف ہے کہ یوکرین کے موجودہ بحران سے نکلنے کا واحد راستہ تمام اطراف سے سفارتی اور بین الاقوامی وعدوں پر مکمل عمل درآمد ہے۔
